Escobar takon sot opozitën, "Angazhimi i emisarit është kyç"
Emisari amerikan për Ballkanin Perëndimor, Gabriel Escobar, sot do të ketë një takim të përbashkët me liderët opozitarë nga ora 19:00, përcjell “Kosova Sot Online”.
Zëdhënësi i AAK-së, Kushtrim Xhemaili, ka konfirmuar se kreu i partisë, Ramush Haradinaj, do të jetë në takim dhe se mirëpret angazhimin e SHBA-së për finalizimin e procesit të dialogut.
Ai tha se Angazhimi i emisarit Escobar është kyç.
“E mirëpresim angazhimin e ShBA-së për finalizimin e procesit të dialogut me Serbinë, i cili duhet të përmbyllet me njohje reciproke. Angazhimi i emisarit Escobar është kyç dhe e falënderojmë për gatishmërinë e tij për ta ndihmuar Kosovën në synimet e saj. Kryetari Haradinaj me kënaqësi ka pranuar ftesën për takim sot në ora 19:00”.
(Kosova Sot Online)