Aksident tragjik, dy të rinj shqiptarë digjen brenda veturës në këtë vend

Dy të rinj shqiptarë kanë ndërruar jetë në një aksident tragjik të ndodhur përgjatë Via Casilina,  mes Colleferro dhe Anagni, mbrëmjen e së shtunës 16 mars, transmeton gazeta “Kosova Sot Online”.

Sipas medieve italiane, dy të rinj me origjinë shqiptare humbën jetën, ndërsa një person tjetër ka mbetur i plagosur rëndë.

Tre personat, pak pas orës 22:00, po udhëtonin me një BMW të zezë, e cila ishte raportuar e vjedhur, kur shoferi humbi kontrollin e makinës.

Pasi ka përfunduar jashtë rrugës, makina ka marrë flakë, dhe dy personat e tjerë janë djegur brenda BMW-së. Personi i plagosur ka dalë nga dritarja.

(Kosova Sot Online)