Kurti: Nga jugu në veri me shumë punë e projekte
Kryeministri Kurti ka publikuar një video në Facebook, e cila tregon për disa nga aktivitetet që ai ka pasur gjatë kësaj jave, transmeton gazeta “Kosova Sot Online”.
Ai ka përmendur testimin e shpejtësisë së internetit të “Valës” në Veri, nisjen e rrugëve ndërkufitare mes Kosovës dhe Shqipërisë, kamionët ushtarakë që iu shtuan FSK’së etj.
“Javë e mbarë me shumë punë të mira. Nga interneti e rrugët e reja që na lidhin me veriun te investimet shtesë në FSK. Vazhduam në Prizren me transformimet në shëndetësi e investime në fabrikën e ujit në Gjilan. Pa harruar edhe nisjen për herë të parë të rrugëve ndërkufitare që na lidhin me Shqipërinë. Nga jugu në veri me shumë punë e projekte”, ka shkruar Kurti.
(Kosova Sot Online)
