Inspektorati me aksion për largimin e shitësve ambulant nga sheshet e Prishtinës

Për largimin e shitësve ambulant nga sheshet qendrore të Prishtinës, Inspektorati i Kryeqytetit ka zhvilluar sot një aksion, transmeton gazeta "Kosova Sot Online".

Në njoftimin e Inspektoratit thuhet se këto aktivitete duhet t’i ushtrojnë në hapësirat e dedikuara enkas për veprimtari të tilla dhe jo ne sheshet e Kryeqytetit.

“Inspektorati i Kryeqytetit sot ka zhvilluar një aksion për largimin e shitësve ambulant nga sheshet qendrore të Prishtinës. Sheshet janë të dedikuara për qytetarët, ndërkohë, me gjithë mirëkuptimin për nevojën e disa qytetarëve për të zhvilluar dhe punuar, aktivitetet e tyre ata duhet t’i ushtrojnë në hapësirat e dedikuara enkas për veprimtari të tilla dhe jo ne sheshet e Kryeqytetit”, thuhet në njoftim.

(Kosova Sot Online)