ZRRE: Çmimi i KEK-ut për rritje nuk është marrë parasysh

Zyra e Rregullatorit për Energji po shqyrton tarifat e reja të energjisë elektrike, përcjell “Kosova Sot Online”.

Kryesuesi i bordit të ZRRE-së, Ymer Fejzullahu tha se nuk e kanë pranuar propozimin e KEK-ut për rritjen e tarifave.

Ai tha se janë duke i shqyrtuar propozimet e operatorëve dhe pastaj do të vendosin.

“Çmimi i KEK-ut për rritje nuk është marrë parasysh. ZRRE ka marrë çmimin aktual të gjenerimit. Të hyrat e operatorëve në vlerë prej 399.6 milionë euro do të përfshihen në tarifat e konsumatorëve. Ne jemi duke i shqyrtuar propozimet e operatorëve dhe pastaj do të vendosim”, shtoi ai.

(Kosova Sot Online)