Berisha: Edi Rama me dumanët e tij do marrin ndëshkimin që meritojnë
Lideri i opozitës, Sali Berisha, në fjalën e mbajtur në ditën e 80 të tubimit qytetar që zhvillohet në atë që njihet tashmë si rruga e “Shpresës” tha se për qytetarët mungon drejtësia, dhe ky është një motiv shumë i madh për mosbindje civile, transmeton gazeta "Kosova Sot Online".
Berisha iu referua vendimit për djalin e anëtares së KLP-së, Nurihan Seiti, i cili vrau me grushte një qytetar, dhe u dënua me 3 vite burg.
“Dy ditë më parë, sekseri që vrau duke goditur me grusht në qafë ndërtuesin në Vlorë.
Sekseri i mamasë gjykatëse apo prokurorë, sa u dënua thoni ju?
U dënua gjithsej tre vjet për një jetë që mori në publik.
Sepse sekseri edhe kishte marrë përsipër fëlliqësinë, edhe nuk e kishte kryer dhe i kërkonte shpërblimin ndërtuesit.
A ka drejtësi për qytetarët sot?
Çfarë drejtësie është kjo?
Kjo është drejtësia më e kalbur që ka ekzistuar.
Nuk ka drejtësi këtu dhe ky është një motiv këtu.
Kur nuk ka drejtësi, është një motiv shumë herë më i madh për mosbindje civile.
Për qeveri teknike, zgjedhje të lira.
Ndaj dhe miqtë e mi, paralajmëroj Edi Ramën se ky është buxheti i fundit që do mund të vjedhësh shqiptarët.
Se po vjen dita në të cilën do japësh llogari për çdo qindarkë që u ke vjedhur shqiptarëve.
Turpi i historisë do të jetë me ty. Ti me Dumanët e tu do të marrësh ndëshkimin që meriton.
Edhe njëherë përshëndetje të përzemërta.
Fitore, fitore, fitore!”, tha Berisha.
(Kosova Sot Online)
