Rohde: Marrëveshjet e Brukselit/Ohrit kanë nevojë për zbatim të plotë
Ambasadori i Gjermanisë në Kosovë, Jorn Rohde është pajtuar me Gerald Knaus nga Iniciativa Europiane për Stabilitet, i cili i tha kryetares së Kuvendit të Serbisë, Ana Bërnabiq se është kontradiktore kur kërkon themelimin e Asociacionit të komunave me shumicë serbe dhe ndërkohë kundërshton anëtarësimin e Kosovën në Këshillin e Europës, përcjell “Kosova Sot Online”.
Knaus shkroi të shtunën se Bërnabiq po kërkon nga Kosova përmbushjen e një zotimi që nuk është i lidhur me anëtarësimin e vendit në KiE.
“Asnjë anëtari të KiE -përfshirë Serbinë- nuk iu tha kurrë se ekziston vetëm një mënyrë për t’i mbrojtur të drejtat e pakicave”, shkroi ai.
Ambasadori gjerman u pajtua me këtë.
“Plotësisht dakord. Marrëveshjet e Brukselit/Ohrit kanë nevojë për zbatim të plotë. Mosbërja e kësaj dëmton procesin e dialogut”, shkroi Rohde.
Fully agree. Brussels/Ohrid agreements need full implementation. Not doing it undermines the dialogue process. https://t.co/lpbgb433Uv
— Ambassador Jörn Rohde (@GermanAmbKOS) March 25, 2024
(Kosova Sot Online)
