Gjykata shqyrton kërkesën e Sali Berishës
Apeli i Gjykatës së Posaçme në Shqipëri sot do të shqyrtojë kërkesën për leje të ish-kryeministrit të Shqipërisë, Sali Berisha për të shkuar në Kuvend, transmeton gazeta “Kosova Sot Online”.
Një muaj më parë, shkalla e parë e kësaj gjykate e ka refuzuar këtë kërkesë duke arsyetuar se Berisha duhet të qëndrojë në “arrest shtëpie”.
Kjo kërkesë ishte rrëzuar më herët edhe nga SPAK.
Avokatët e Berishës argumentojnë se duke qenë se ish-kryeministri është deputet, është e drejtë dhe detyrim kushtetues si person i zgjedhur nga sovrani, për të ushtruar të drejtat dhe liritë politike sipas Kushtetutës së Republikës së Shqipërisë.
Prej muajit dhjetor, Sali Berisha është në masën e sigurisë “arrest shtëpie” i akuzuar për korrupsion pasiv në privatizimin e ish-kompleksit sportiv Partizani.
(Kosova Sot Online)