Lexoni edhe:
Konjufca: Beteja e Koshares shënon një përbashkim të lartë kombëtar, u zhvillua krah për krah me NATO’n
Shpërthen ashpër eurodeputeti gjerman: Lajçak ishte i pasuksesshëm si i deleguar për dialog
Deputeti nga radhët e “Të Gjelbërve” në Parlamentin Evropian (PE), Reinhard Butikofer, ka shkruar rreth largimit të Miroslav Lajçak nga pozita e të deleguarit të Bashkimit Evropian për dialogun Kosovë – Serbi.
Ai tha se diplomati sllovak është një “fatkeqësi i pakualifikuar” si i deleguari i BE-së për dialogun, transmeton "Kosova Sot Online ".
“Shpresoj që ai të mos prishë edhe marrëdhëniet mes Zvicrës dhe BE-së”, ka shkruar Butikofer në një postim në platformën sociale ‘X’.
Përfaqësuesi i veçantë i Bashkimit Evropian për dialog Miroslav Lajçak do të largohet nga ky post në fund të muajit gusht.
Sipas burimeve mirë të informuara Lajçak pritet të emërohet për ambasador të BE-së në Zvicër, post të cilin sipas të gjitha gjasave do ta ushtrojë nga shtatori.
Edhe Jasmin Mujanoviq, politolog dhe specialist i politikave të Evropës Juglindore dhe çështjeve ndërkombëtare, tha se nëse lajmi për largimin e Lajçakut nga posti i tij si i dërguari i BE-së për dialogun Kosovë-Serbi është i saktë, është pozitiv për aq sa ai do të largohet.
“Por, për hir të besueshmërisë së BE-së, ai duhej të pushonte pa ceremoni dhe të ishte detyruar të dilte në pension pas 4 vitesh mbjelljeje kaosi dhe guximi të Vuqiçit”, ka shkruar ai në “X”.
(Kosova Sot Online )
