Dënohet me burgim të përjetshëm personi që e vrau gruan e tij dhe e copëtoi në 224 pjesë

Një burrë 28-vjeçar, i cili në mars të vitit të kaluar goditi me thikë partneren e tij 26-vjeçare, e copëtoi në më shumë se 200 copa dhe më pas e pagoi një shok 50 £ për ta hedhur në lumë, është dënuar me burgim të përjetshëm, transmeton gazeta “Kosova Sot Online”.

Krimi, me protagonist një “përbindësh satanik”, siç u përshkrua autori në gjykatë, ndodhi në Lincolnshire, Anglinë lindore, ndërsa eshtrat e 26-vjeçares Holly Bramley u gjetën në lumin Widham. Vrasësi Nicholas Mattson, e pranoi vrasjen.

Shoku i tij, i cili ndihmoi në asgjësimin e trupit gati një javë më vonë, u burgos gjithashtu me tre vjet e tre muaj.

“Shkaku i vdekjes nuk mund të përcaktohet duke pasur parasysh mënyrën në të cilën e trajtuat trupin e Holly-t pasi e vratë atë”, i tha gjykatësi vrasësit ndërsa ai lexonte dënimin.

Hetuesit e policisë zbuluan 224 mbetje të trupit të 26-vjeçares, të cilat sulmuesi i kishte mbajtur të fshehura në banesën ku jetonin.

Çifti ishte martuar në vitin 2021, por ishin në prag të ndarjes kur Metson, i cili ka çrregullime të spektrit të autizmit (ASD), e vrau atë.

Më 17 mars 2023, Mattson e goditi disa herë me thikë gruan e tij 26-vjeçare në dhomën e tyre të gjumit, përpara se ta çonte në banjë, ku e copëtoi.

Eshtrat e saj më pas u ruajtën në kuzhinë për gati një javë para se të hidheshin në lumin Widham nga i dashuri i 26-vjeçares.

(Kosova Sot Online)