Prishtinë: Punëtori i burgut sulmohet nga katër persona

Katër persona janë arrestuar dje në Prishtinë, nën dyshimin se e kanë sulmuar fizikisht një punëtor të burgut, përcjell “Kosova Sot Online”.

Me vendim të prokurorit katër të dyshuarit janë dërguar në mbajtje.

Ndërkaq, rasti është iniciuar si sulm ndaj personit zyrtar.

“Rr. Ahmet Krasniqi, Prishtinë / 08.04.2024 – 03:20. Janë arrestuar katër të dyshuar, tre meshkuj dhe një femër kosovarë, pasi që në bashkëveprim e kanë sulmuar fizikisht viktimën mashkull kosovar (punëtor i burgut). Me vendim të prokurorit, katër të dyshuarit janë dërguar në mbajtje”, thuhet në njoftim.

(Kosova Sot Online)