“Pavarësisht dhimbjes” palestinezët në Gaza festojnë Bajramin

Palestinezët në Rafah kanë folur për programin Gaza Lifeline të BBC Arabe, për ndryshimin midis festës së Fitër Bajramit të këtij viti dhe festimeve të mëparshme.

Haroun Al-Medallal thotë se “megjithë dhimbjen, shkatërrimin, zhvendosjen dhe granatimet e vazhdueshme nga ushtria izraelite, ne jemi një popull që do jetë”.

Duke folur nga një strehë në Rafah, ai thotë se disa gra palestineze po bëjnë biskota ndërsa përpiqen të bëjnë një buzëqeshje në fytyrat e fëmijëve jetimë që kanë humbur prindërit dhe shtëpitë e tyre.

Më parë, thotë ai, kanë vizituar “të afërmit dhe fqinjët për t’i uruar njëri-tjetrin festën e Bajramit dhe fëmijët gëzoheshin”, por tani “jetojnë të shpërngulur”.

Megjithatë, ai këmbëngul se ata do të qëndrojnë të palëkundur, do të festojnë Bajramin, do të thërrasin të afërmit dhe do të vizitojnë njerëzit, të dashurit e të cilëve janë vrarë.