Zelensky: Vetëm uniteti mund ta parandalojë terrorin në mbarë botën

Tingulli i dronëve duhet të shërbejë si një “thirrje zgjimi për botën e lirë”, tha presidenti ukrainas Volodymyr Zelensky të dielën pasi Irani nisi një sulm të paparë me dronë dhe raketa në shkallë të gjerë në Izrael të shtunën mbrëma, transmeton gazeta "Kosova Sot Online".

“Ne në Ukrainë e dimë shumë mirë tmerrin e sulmeve të ngjashme nga Rusia”, e cila përdor “të njëjtat taktika të sulmeve masive ajrore”, tha Zelensky në një postim në rrjetet sociale. “Tingulli i dronëve Shahed, një mjet terrori, është i njëjtë në qiejt mbi Lindjen e Mesme dhe Europën”.
“Ky tingull duhet të shërbejë si një thirrje zgjimi për botën e lirë, duke demonstruar se vetëm uniteti dhe vendosmëria jonë mund të shpëtojë jetë dhe të parandalojë përhapjen e terrorit në mbarë botën”, tha ai.

Zelensky vazhdoi duke thënë se veprimet e Iranit “kërcënojnë të gjithë rajonin dhe botën, ashtu si veprimet e Rusisë kërcënojnë një konflikt më të madh” dhe se “bashkëpunimi i dukshëm midis dy regjimeve në përhapjen e terrorit duhet të përballet me një përgjigje të vendosur dhe të bashkuar nga bota”.

“Fjalët nuk ndalojnë dronët dhe nuk i kapin raketat. Vetëm ndihma e prekshme e bën këtë”, tha Zelensky. “Është kritike që Kongresi i Shteteve të Bashkuara t’i marrë vendimet e nevojshme për t’i forcuar aleatët e Amerikës në këtë kohë kritike”, shtoi ai.

(Kosova Sot Online)