Ministrja serbe e lëshoi sallën kur Kosova mori çmim në Biennalen e Venedikut
Ekipi i Kosovës me artisten Doruntina Kastratin, ka fituar çmimin “Special Mention for National Presentation”, në Bienalen e Artit në Venecia, transmeton “Kosova Sot Online”.
Derisa çmimi po i jepej Kosovës, sallën e ka lëshuar Ministrja serbe Maja Gojkoviq e për këtë ka reaguar këshilltari i Kurtit, Jeton Zulfaj.
Ai ka thënë se “Serbia nuk e harron të kaluarën e saj gjenocidale”.
“Serbia ka dështuar të pranojë dhe të përballet me krimet e saj të së kaluarës. Prandaj sot mohon gjenocidin dhe krimet e kryera në Bosnje dhe Kosovë. Nëse do të ishte përballur me të kaluarën e saj, mund të mos udhëhiqej nga të njëjtat figura që ishin në pushtet gjatë regjimit të Millosheviqit. Këtu është një tjetër mbetje e epokës së Millosheviqit: Maja Gojkoviq, zëvendëskryeministre dhe ministre e kulturës së Serbisë, e cila doli nga dhoma kur pavioni i Republikës së Kosovës me artisten Doruntina Kastrati mori një çmim në Bienalen e Venezisë, një. nga institucionet më prestigjioze kulturore, të themeluara në 1895”, ka shkruar Zulfaj në “X”.
(Kosova Sot Online)