Krasniqi: Duhet të ekzistojë një qasje e re ndaj Listës Serbe

Kryetari i PDK-së, Memli Krasniqi, ka deklaruar se PDK beson se duhet të ekzistojë një qasje e re ndaj Listës Serbe, pas sulmeve të shtatorit në Banjskë, transmeton gazeta "Kosova Sot Online".

“Me Listën Serbe në asnjë mënyrë, edhe nëse do të ishim duke votuar shpërndarjen e Kuvendit, nëse Lista Serbe do të thoshte po votoj edhe unë , ne aty e kishim ndërpre, besoj se duhet ta kemi një qasje të re, sidomos pas sulmit në Banjskë dhe përfshirjes së udhëheqësve të saj, terroristit Radoiçiq”, tha Krasniqi.

Duke folur për votat e PDK-së për shpërndarjen e Kuvendit të Kosovës, Krasniqi tha se duhet të ketë pajtueshmëri politike mes të gjitha partive të opozitës.

“Sa i përket kësaj çështje unë kam preferu nga fillimi që ne të ishim si parti opozitare të trija në mënyrë që ta iniciojmë që të dalim edhe para opinionit publik që s’kemi dallime sa i përket jetëgjatësisë së Qeverisë Kurti, prandaj besoj se e njëjta formë duhet të jetë kjo, nuk besoj se përkundër numrit mbi 80 duhet që vetëm PDK dhe LVV ta shpërndajnë kuvendin”, tha Krasniqi.

(Kosova Sot Online)