![Liderët e BE-së pritet të diskutojnë emrat e rinj në krye të institucioneve të bllokut](/uploads/kosova-sot/images/2024/June/17/200x200_bashkimi-evropian-650x358-600x358_11718618847.jpg)
Gërvalla takohet me O’Brien, flasin për raportet Kosovë-SHBA
![Gërvalla takohet me O’Brien, flasin për raportet Kosovë-SHBA](/uploads/kosova-sot/images/2024/May/25/auto_441518478_10224101003129795_1278862029411281250_n-1-600x3601716630311.jpg)
Ministrja e Jashtme, Donika Gërvalla, ka njoftuar se në SHBA është takuar me Ndihmës sekretarin e Shtetit, James O’Brien, përcjell “Kosova Sot Online”.
Gërvalla ka thënë se në këtë takim kanë diskutuar për raportin Kosovë-SHBA, forcimin e sundimit të ligjit dhe arritjen e aspiratave të Kosovës për anëtarësime në organizata ndërkombëtare.
Gjithashtu kryediplomatja kosovare ka thënë se me O’Brien kanë folur për ruajtjen e paqes dhe stabilitetit në Kosovë dhe rajon dhe për zmbrapsjen e kërcënimeve të sigurisë.
“Në kuadër të vizitës zyrtare në Shtetet e Bashkuara të Amerikës, u prita në takim nga Ndihmës Sekretari i Shtetit për çështjet Evropiane dhe Euroaziatike, James O’Brien.Në frymën e marrëdhënieve të posaçme ndërmjet dy shteteve gjatë takimit janë trajtuar aspekte të shumta të thellimit të bashkëpunimit dypalësh, forcimit të sundimit të ligjit e demokracisë dhe jetësimit të aspiratave për anëtarësimin e Republikës së Kosovës në organizata ndërkombëtare.Diskutuam po ashtu rreth zhvillimeve të tjera aktuale në vend, duke vënë theksin në përkushtimin e institucioneve në ruajtjen e paqes dhe stabilitetit në vend dhe rajon si dhe zmbrapsjen e kërcënimeve të sigurisë”, ka shkruar Gërvalla.
(Kosova Sot Online)