Lexoni edhe:
Rohde: Pas Marrëveshjes së Brukselit dhe Ohrit nuk kemi parë kurrfarë përparimi
Institutit për Bashkëpunim dhe Zhvillim me qendër në Francë urë lidhëse me interes zhvillimor në mes të institucioneve të Kosovës dhe atyre franceze e zvicerane
Presidenti i Institutit për Bashkëpunim dhe Zhvillim me qendër në Francë, z. Tahir Shabani, ka zhvilluar një vizitë te ngjeshur pune dhe me aktivitete në Republikën e Kosovës, duke takuar zyrtar të niveleve të ndryshme të institucioneve të shtetit, kryesisht nivelit lokal dhe të fushës së arsimit, me të cilët kanë analizuar dhe fokusuar fushat e bashkëpunimit në të cilat mundë të arrihen rezultate të mira të interesit të përgjithshëm.
Gjatë vizitës që i bëri Gjimnazit "Ahmet Gashi" në Prishtinë, është biseduar për bashkëpunim me shkollat franceze dhe mundësinë e vizitave për shkëmbimin e përvojave në fushën e arsimit. Takimi ka qenë shumë miqësor dhe përmbajtjesor në fokusimin e fushave të interesit, në bisedën e zhvilluar në mes z. Shabani dhe drejtorit të e shkollës, Z. Haxhi Metaj, profesorin e gjuhës frenge, Z. Ilmi Reçica dhe stafin e shkollës. Me shumë interes dhe përmbajtjesore ishte edhe vizita në komunën e Istogut, dhe Gjimnazi "Haxhi Zeka" në Istog. Qëllimi kryesor i këtij takimi me stafin e Gjimnazit “Haxhi Zeka “,në përbërje të drejtorit të DKA-së - Z. Naim Behlulaj, ish drejtorin e DKA-së - Z. Hajrush Shoshin, dhe Xhevat Demaj, ishte binjakëzimi me shkollat franceze, një hap i rëndësishëm drejt forcimit të lidhjeve ndërkombëtare dhe shkëmbimit kulturor e arsimor. Kjo nismë synon të krijojë mundësi të reja për nxënësit dhe stafin, duke promovuar një frymë bashkëpunimi dhe përparimi të përbashkët.
Kryetarin e Shoqatës Miqësisë franko shqiptare, ambasador për paqe z. Tahir Shabani, njëherit President i Institutit për Bashkëpunim dhe Zhvillim me qendër në Francë, është pritur edhe nga Kryetari i Istogut Ilir F. Ferati. Pjesë e takimit ishte edhe Kryesuesi i Kuvendin Komunal z. Enver Rugova, Drejtor të drejtorive komunale dhe këshilltar të kuvendit. Gjatë takimit janë analizuar të gjitha mundësit e zhvillimit të një bashkëpunimi me interes në fusha të ndryshme mes Komunës së Istogut me komunat e Zvicrës dhe të Francës. Në komunën e Vitisë Shabani ka takuar dhe ka bashkëbiseduar me pjesëtarët e njësisë së zjarrfiksave, i shoqëruar edhe me ish deputetin nga Gjeneva Eric Leyvraz , ku janë marr së afërmi kërkesat dhe analizuar mundësin e mbështetjes që mundë të jep ai si urë lidhëse bashkëpunimi me organizata simotra franceze.
(Kosova Sot Online )
