Kurti ndan 142 mijë euro për Samitin e Ballkanit Perëndimor nga “The Economist”

Qeveria e Kosovës ka ndarë 142 mijë euro për mbajtjen në Prishtinë të Samitit të Ballkanit Perëndimor të organizuar nga prestigjiozja “The Economist”, përcjell “Kosova Sot Online”.

Kryeministri i Kosovës, Albin Kurti, ka thënë se kjo është një mundësi e jashtëzakonshme për provomvimin e sukseseve të Kosovës.

Tutje, Kurti tha se kjo ngjarje kontribuon në rritjen ndërkombëtare të imazhit të vendit tone.

“Mbajtja e kësaj konference në Prishtinë e organizuar nga organizata prestigjioze “The Economist”, me pjesëmarrjen e mysafirëve të huaj të rëndësishëm dhe me ekspozim mbarëbotëror përmes platformave sociale të “The Economist” është një mundësi e jashtëzakonshme për promovimin global të sukseseve të Kosovës. Kjo ngjarje kontribuon në rritjen ndërkombëtare të imazhit të vendit tonë, duke theksuar përparimet tona në fusha të ndryshme dhe dujke krijuar mundësi të reja për bashkëpunim ndërkombëtar dhe investime. Mjetet buxhetore të ndahen në shumë prej 142 mijë euro. Mjetet ndahen nga buxheti i zkm, nga programi për promovim të vendit”, deklaroi Kurti në mbledhjen e Qeverisë.

(Kosova Sot Online)