Bashkësia Islame tregon në sa ora do të falet të dielën Kurban Bajrami

  • E.K /
  • 13 June 2024 - 12:40
Bashkësia Islame tregon në sa ora do të falet të dielën Kurban Bajrami

Dita e parë e festës së Kurban – Bajramit, është të dielën me 16 qershor 2024, përcjell “Kosova Sot Online”.

Kryesia e Bashkësisë Islame të Kosovës njofton besimtarët dhe opinion se manifestimi qendror për territorin e Kosovës, kushtuar festës së Kurban Bajramit, mbahet në Xhaminë e Madhe në Prishtinë.

“Manifestimi fillon në orën 4:19, me faljen e namazit të sabahut, pas të cilit do të jetë ligjërata tematike kushtuar kësaj feste, të cilën do ta mbaj Hetem ef. Sopjani – kryetar i Këshillit të Bashkësisë Islame në Prishtinë”, thuhet në njoftim.

Ndërsa, namazi i Kurban Bajramit falet në orën 5:34, të cilit do t’i prijë Burhan ef. Hashani- kryeimam i Këshillit të BI-së së Prishtinës, ndërsa hytben – mesazhin e Kurban Bajramit do ta mbaj Myftiu i Kosovës, Naim ef. Tërnava.

(Kosova Sot Online)