Pejë: Gjendet pa shenja jete një person, dyshohet për vetëvrasje
Një person është gjetur pa shenja jete sot në qytetin e Pejës. Lajmin e ka konfirmuar zëdhënësi i policisë për rajonin e Pejës, Driton Rugova, transmeton "Kosova Sot Online".
“Sot me datë 13.06.2024, rreth orës 10:10, Policia është informuar për një rast i cili ka ndodhur në rrugën “Vëllezërit Kastrati” në Pejë, njësitet relevante menjëherë janë përgjigjur vendit të ngjarjes, gjithashtu edhe ekipi mjekësor të cilët kanë konstatuar vdekjen e viktimës”, tha Rugova.
Ai shtoi se me vendim të Prokurorit të shtetit trupi i pajetë i viktimës është dërguar në Institutin e Mjekësisë Ligjore në Prishtinë për obduksion, ndërsa rasti cilësohet ” Hetim i vdekjes”.
Raportohet se viktima dyshohet se ka kryer vetëvrasje dhe se i njëjti është rreth moshës 60 vjeç.
(Kosova Sot Online)