Pal Lekaj: Kosova ka një kryeministër shumë të dobët si Albini 

Kryeministri i Kosovës, Albin Kurti dhe presidenti i Serbisë, Aleksandër Vuçiq takimin e fundit në Bruksel e mbajtën më 14 shtator të 2023-tes. Pas nëntë muajve takimi i radhës do të zhvillohet më 26 qershor të këtij viti, transmeton  gazeta "Kosova Sot Online".

Lidhur me këtë temë ka folur edhe deputeti i Aleancës për Ardhmërinë e Kosovës, Pal Lekaj, ku thotë se Kosova ka një kryeministër shumë të dobët në dialog dhe në tryezat e negocimit, prandaj edhe raporti Kosovë-Serbi nuk po mbyllet.

“Takimi i fundit të Qershorit mes të dy kryeministrave do të forcojë këtë status-quo që është krijuar tani e disa vite në mes të dy shteteve.Fat i keq për vendin që njërën anë kemi një Vuçiç që funksionon me politika të shkatërrimit dhe sundimit përballë shteteve të Ballkanit, dhe kemi një Kryeministër të Kosovës shumë të dobët në Dialog dhe tryezat e negocimit. Prandaj edhe raporti Kosovë-Serbi nuk po mbyllet”, tha ai.

Tutje Lekaj shprehet se takmi do të përfundoj pa ndonjë rezultat, ku thekson se Kosova ka nevoj për një unifikim të gjerë të spektrit politik në kuadër të dialogut.

“Cilido që të jetë fokusi, takimi nuk përmbyllet me ndonjë rezultat. Kosova ka nevojë për unifikim të gjerë të spektrit politik në kuadër të Dialogut, e që për inate personale nuk po e bënë Kryeminstri Kurti”, përfundoi Lekaj .

(Kosova Sot Online)