Arrestohet shtetasi i Maqedonisë së Veriut, ia ofroi 5 euro ryshfet një polici për të kaluar më shpejt kufirin

Policia ka njoftuar se një shtetas i Maqedonisë së Veriut është arrestuar për dhënie ryshfeti, përcjell "Kosova Sot Online".

I dyshuari i kishte ofruar 5 euro një zyrtari në pikëkalimin kufitar në Vërmicë për ta shpejtuar procedurën e kalimit.

I dyshuari është dërguar në mbajtje.

“Është arrestuar i dyshuari mashkull, shtetas i Maqedonisë së Veriut, pasi i kishte ofruar 5 euro një zyrtari policor për të shpejtuar procedurën e kalimit të kufirit. Me vendim të prokurorit, i dyshuari është dërguar në mbajtje”, ka njoftuar Policia.

(Kosova Sot Online)