Lexoni edhe:
Rikthimi i bujshëm i Jamie Vardy në Ligën Premier: Shënon gol dhe tallet me tifozët e Tottenhamit
Ukraina zmbraps sulmin me raketa në Kiev, thonë forcat ajrore
Rusia nisi sulmin e saj të pestë me raketa gjatë natës në Kiev këtë muaj, tha ushtria e Ukrainës të martën, transmeton "Kosova Sot Online ".
Sistemet e mbrojtjes ajrore e zmbrapsën me sukses sulmin, shtoi ajo.
Diku tjetër në Ukrainë, sistemet e mbrojtjes ajrore rrëzuan tre raketa balistike dhe 25 nga 26 dronët e nisur në sulmin në nëntë rajone. Sulmet kishin në shënjestër nëntë rajone në qendër, veri dhe jug të vendit, thanë forcat ajrore të Ukrainës.
Kyiv ka qenë nën alarme për sulm ajror 41 herë këtë muaj, shkruan The Guardian.
Ndërkaq, në Ternopil të Ukrainës njerëzëve iu tha të qëndrojnë brenda shtëpive të tyre pasi një zjarr i madh shpërtheu gjatë natës gjatë alarmeve për sulm ajror, tha të martën administrata ushtarake e rajonit perëndimor të Ukrainës.
Forcat ruse goditën një objekt industrial gjatë sulmit, raportoi Ukrainska Pravda, duke shtuar se një tank që përmbante karburant dhe kimikate u godit rreth orës 3 të mëngjesit me kohën lokale.
“Mos dilni pa nevojë nga shtëpia, kufizoni sa më shumë kohën e fëmijëve jashtë, mbyllni dritaret brenda”, tha administrata në Telegram.
Në këtë njoftim gjithashtu u tha se shërbimet e urgjencës po punonin në vendin e zjarrit që ndodhi gjatë natës “gjatë alarmeve për sulm ajror”.
(Kosova Sot Online )
