Kurti: Rezultati i shkurtit 2021, duhet të tejkalohet në zgjedhjet e reja

Kryeministri i vendit, Albin Kurti, ka kërkuar më shumë mbështetje në zgjedhjet e reja sesa në ato të vitit 2021. Në fjalën e tij në tubimin me gratë e Vetëvendosjes, Kurti u tha atyre se rezultati “duhet të përsëritet e tejkalohet”, transmeton gazeta “Kosova Sot Online”.

Fjalimin e plotë e ka publikuar në Facebook vetë kryeministri, ku thekson se zgjedhjet parlamentare janë më 9 shkurt dhe kësisoj ka kohë mjaftueshëm për përgatitje.

“Tani për të dalë te zgjedhjet që kemi përpara: nuk kemi pasur asnjëherë më shumë kohë për t’u përgatitur për zgjedhje se sa tani. Nuk kemi pasur asnjëherë më shumë mbështetje nga populli sesa tani. Andaj edhe rezultati i shkurtit 2021, duhet të përsëritet, e të tejkalohet”, ka deklaruar Kurti.

(Kosova Sot Online)