Baerbock: Dialogu intensiv është puna thelbësore e diplomacisë
Ministrja e Jashtme gjermane, Annalena Baerbock, ka mbledhur të martën ministrat e Jashtëm të vendeve të Procesit të Berlinit, në Berlin, transmeton gazeta “Kosova Sot Online”.
Në një takim të ndarë me ministrin e jashtëm serb, Marko Gjuriq, e para diplomacisë gjermane i ka thënë atij se pa normalizim me Kosovën, s’ka BE.
“Dialogu intensiv është puna thelbësore e diplomacisë. Annalena Baerbock theksoi sot në një bisedë me homologun serb, Marko Gjuriq, se sundimi i ligjit, CEFTA dhe normalizimi me Kosovën janë qendrore në rrugën drejt BE-së”.
“Gjermania është në dispozicion si partnere për reforma të mëtejme”, citohet të ketë thënë Baerbock.
(Kosova Sot Online)
