Izraeli e shpall 'Persona non grata' Sekretarin e Përgjithshëm të OKB-së
Ministri i Jashtëm i Izraelit ka thënë se Sekretari i Përgjithshëm i OKB-së António Guterres është “persona non grata” në Izrael dhe se të njëjtit i ndalohet hyrja në vend, transmeton gazeta “Kosova Sot Online”.
Israel Katz thotë se vendimi i tij është një përgjigje ndaj dështimit të Guterres për të “dënuar pa mëdyshje” sulmin raketor të Iranit ndaj Izraelit të martën.
Ai akuzon shefin e OKB-së se është “anti-izraelit” dhe u jep “mbështetje terroristëve, përdhunuesve dhe vrasësve. Guterres do të mbahet mend si një njollë në historinë e OKB-së për brezat që do të vijnë, ka thënë Katz raporton The Jerusalem Post.
Dje, shefi i OKB-së dënoi “zgjerimin e konfliktit në Lindjen e Mesme me përshkallëzim pas përshkallëzimi” dhe bëri thirrje për një armëpushim.
(Kosova Sot Online)
