Arrestohen politikani i njohur serb dhe një shqiptar në veri të Mitrovicës
Është arrestuar politikani serb, Aleksander Arsenijeviq dhe një shqiptar në veri të Mitrovicës, transmeton gazeta “Kosova Sot Online”.
Lajmin e ka konfirmuar zëvendësdrejtori për veriun e Kosovës, Veton Elshani.
Elshani ka thënë se prishja e rendit dhe qetësisë publike është arsyeja e arrestimit të tyre.
“Është arrestuar politikani serb Aleksander Arsenijeviq dhe një shqiptar për prishje të rendit dhe qetësisë publike”, ka deklaruar Elshani.
Elshani ka thënë se Arsenjeviq është arrestuar pasi i ka rënë bilbil pranë restorantit të sapohapur.
“Aty po bënte zhurmë, kështu që këta filluan të protestonin se po i shqetësonte”, pohon ai.
Një person i nacionalitetit shqiptar ka protestuar dhe i është afruar Arsenijeviqit, thotë Elshani, dhe pothuajse ka pasur kontakt fizik.
Të dy ndodhen në polici.
“Të dy janë në stacion tani, do të japin deklarata”, saktëson ai.
(Kosova Sot Online)
