Stoltenberg për fitoren e Trump: Populli amerikan foli
Ish-sekretari i NATO-s, Jens Stoltelberg, në një shkrim autorial në Financial Times ka shkruar për fitoren e Donald Trump në zgjedhjet presidenciale amerikane dhe për frikën që ka shkaktuar rikthimi i Trump në Shtëpinë e Bardhë, transmeton gazeta “Kosova Sot Online”.
Stoltenberg ka thënë se në shkrimin e tij në FT argumenton se pse s’duhet Evropa të dëshpërohet nga fitorja e Trump dhe sipas tij, kthimi i ish-presidentit në Shtëpinë e Bardhë është moment që sfidon Evropën për të dëshmuar se është partnere e vërtetë dhe jo përfitues nga angazhimi i dikujt tjetër.
“Populli amerikan ka folur. Përtej Atlantikut, shumë janë të shqetësuar për angazhimin e SHBA-së ndaj sigurisë evropiane. Në FT , argumentoj se nuk duhet të dëshpërohemi. Kthimi i Presidentit Trump na sfidon të dëshmojmë se jemi partnerë të vërtetë, jo përfitues pa kontribut”, ka shkruar Stoltelberg.
(Kosova Sot Online)
