Finlanda dënon sulmin në kanalin e ujit: Qëndrojmë krah Kosovës
Ambasada e Finlandës në Kosovë e ka dënuar sulmin në kanalin e ujit në Zubin Potok, duke theksuar se është thelbësor për furnizim me ujë dhe funksionimin e termocentraleve, transmeton gazeta “Kosova Sot Online”.
Nga kjo ambasadë kanë thënë se po e monitorojnë situatën nga afër dhe se qëndrojnë krah Kosovës në përpjekjet për hetimin e rastit.
“Ne dënojmë fuqishëm sulmin në kanalin e ujit në Zubin Potok që është thelbësor për furnizimin me ujë të Kosovës dhe funksionimin e termocentraleve të saj. Ne jemi duke e monitoruar situatën nga afër dhe qëndrojmë me Kosovën në përpjekjet e saj për hetim”, thuhet në postim.
(Kosova Sot Online)
