NPB jep detaje për aksionin që u zhvillua sot në disa lokale
Ndërmarrja Publike Banesore ka dal me detaje për aksionin që u zhvillua sot në disa lokale të cilat janë pronë e tyre, transmeton gazeta “Kosova Sot Online”.
Përmes një njoftimi në Facebook, kjo ndërmarrje ka thënë se borxhet që janë akumuluar kapin vlerën e rreth 1 milion eurove.
Njoftimi i plotë:
Ndërmarrja Publike Banesore, ka filluar aksionin për lirimin e lokaleve si pasojë e borxheve të akumuluara ndër-vite nga shfrytëzuesit e këtyre lokaleve të cilat janë pronë e NPB-së. Borxhet e akumuluara arrijnë vlerën rreth 1 milion euro!
Ky aksion do të vazhdojë edhe ditëve në vijim pasi NPB u ka ofruar shfrytëzuesve brenda afateve ligjore të kryejnë detyrimet e tyre financiare ndaj Ndërmarrjes dhe një gjë e tillë nuk është respektuar.
Falënderim i veçantë për pjesëtarët e Policisë së Kosovës të cilët me sukses asistuan këtë operacion.
NPB është e zotuar ta respektojë ligjin dhe asetet t’i rikthehen ndërmarrjes.
Prishtinë, dhjetor 2024
(Kosova Sot Online)
