Vjosa Osmani dhe Kurti bëjnë homazhe në Reçak

  • A.P /
  • 15 January 2025 - 12:37
Vjosa Osmani dhe Kurti bëjnë homazhe në Reçak

Presidentja Vjosa Osmani dhe kryeministri Albin Kurti kanë bërë homazhe në Kompleksin Memorial në Reçak, transmeton gazeta “Kosova Sot Online”.

Osmani dhe Kurti kanë vendosur kurora lulesh pranë lapidarit kryesor në këtë kompleks përkujtimor, aty ku dhe janë të vendosura të gjithë emrat dhe fotografitë e 45 civilëve të vrarë nga forcat serbe më 15 janar të vitit 1999, në fshatin Reçak.

Osmani dhe Kurti do të marrin pjesë dhe në akademinë përkujtimore që do të mbahet në komunën e Shtimes për të nderuar viktimat e Reçakut.

(Kosova Sot Online)