BE prezanton detaje të planeve të saj për shpenzimet e mbrojtjes

Bashkimi Europian sapo ka publikuar një dokument që përshkruan planet e tij për të riarmatosur bllokun, White Paper for European Defence – Readiness 2030, që synon t’i përgjigjet “urgjencës afatshkurtër të mbështetjes së Ukrainës, por edhe të adresojë nevojën urgjente afatgjatë për të rritur sigurinë dhe mbrojtjen e Europës”, transmeton gazeta “Kosova Sot Online”.

Për të adresuar në mënyrë efektive këto sfida, “White Paper’ përshkruan një sërë rreshtash kyçe të veprimit:

Mbyllja e boshllëqeve të aftësive, me fokus në aftësitë kritike të identifikuara nga shtetet anëtare.

Mbështetja e industrisë europiane të mbrojtjes përmes kërkesës së grumbulluar dhe rritjes së prokurimeve bashkëpunuese.

Mbështetja e Ukrainës nëpërmjet rritjes së ndihmës ushtarake dhe integrimit më të thellë të industrive të mbrojtjes europiane dhe ukrainase.

Thellimi i tregut të mbrojtjes në mbarë BE-në, duke përfshirë thjeshtimin e rregulloreve.

Përshpejtimi i transformimit të mbrojtjes përmes inovacioneve si AI dhe teknologjia kuantike.

Rritja e gatishmërisë europiane për skenarët e rasteve më të këqija, duke përmirësuar lëvizshmërinë ushtarake, grumbullimin dhe forcimin e kufijve të jashtëm, veçanërisht kufirin tokësor me Rusinë dhe Bjellorusinë.

Forcimi i partneritetit me vendet me bindje të njëjta në mbarë botën.

Për shpalosjen e këtij plani, shefja e politikës së jashtme të BE-së Kaja Kallas dhe komisioneri i mbrojtjes së BE-së Andrius Kubilius iu drejtuan gazetarëve në Bruksel, shkruan The Guardian.

(Kosova Sot Online)