KFOR-i vazhdon të zbatojë mandatin e tij

KFOR ka njoftuar se ushtarët letonezë së bashku me Policinë e Kosovës, kanë kryer patrullime të koordinuara, transmeton gazeta “Kosova Sot Online”.

Në njoftimin e KFOR theksohet se patrullimi dhe bashkëpunimi me institucionet e sigurisë kontribuon në suksesin e përgjithshëm dhe efikasitetin operativ të Forcës së Kosovës.

‘‘Këto përpjekje theksojnë përkushtimin e vazhdueshëm të KFOR-it për të siguruar një mjedis të sigurt dhe të qëndrueshëm për të gjitha komunitetet që jetojnë në Kosovë.

KFOR-i vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qëndrueshëm për të gjithë njerëzit dhe komunitetet në Kosovë dhe për të garantuar lirinë e lëvizjes, në çdo kohë dhe në mënyrë të paanshme. KFOR-i punon në bashkëpunim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në rolin e vet si reagues të sigurisë’’, shkruhet në njoftimin e KFOR.

(Kosova Sot Online)