Bajrami: Mimoza Kusari-Lila ka folur me Radojçiqin
Shefja e Grupit Parlamentar të LDk-së, Hykmete Bajrami, është kthyer përsëri në Kuvend pasi ishte nisur në shtëpi, për t’iu përgjigjur akuzave të bëra nga Hekuran Murati e Alublena Haxhiu kinse partitë e ish-opozitës po bashkëpunojnë me Listën Serbe, transmeton gazeta "Kosova Sot Online".
Bajrami ka shkruar se pasi ka dëgjuar Muratin e Haxhiun të flasin me një gjuhë të tillë, është kthyer nga rruga dhe për herë të dytë iu është drejtuar qytetarëve.
Ajo i ka quajtur si hipokritë Muratin e Haxhiun dhe ka rikujtuar se ka qenë Mimoza-Kusari Lila ajo e cila ka folur në telefon me Millan Radojçiqin.
“Është hipokrizi me dalë para mediave, 2 eksponentë të Lëvizjes Vetëvendosje dhe me apostrofu partitë tjera që kinse na jemi me Listën Serbe, ndërkohë që janë përgjimet e Mimoza Kusarit duke qenë shefe e 58 deputetëve me Listën Serbe dhe me Milan Radojçiqin”, ka thënë Bajrami.
(Kosova Sot Online)
