'22 mijë fëmijë parashkollorë janë përjashtuar nga skema e subvencionimit të teksteve'

Deputetja e Lidhjes Demokratike të Kosovës, Jehona Lushaku Sadriu tha se 22 mijë fëmijë parashkollorë janë përjashtuar nga skema e subvencionimit të teksteve, transmeton gazeta "Kosova Sot Online".

“Më shqetësues është fakti se mbi 22 mijë fëmijë parashkollorë sipas Agjencisë së Statistikave janë përjashtuar nga skema e subvencionimit të teksteve”, ka deklaruar ajo gjatë një konference për media.

Sipas saj, më 3 gusht 2023 Kuvendi i Kosovës miratoi Ligjin për Edukimin në Fëmijërinë e Hershme, ku në Nenin 37 – Dispozitat kalimtare përcaktohet qartë se ‘’Edukimi parafillor bëhet i obligueshëm që nga viti shkollor 2024-2025.

“Dy vite pas miratimit të ligjit, MASHT ende nuk ka arritur të përgatisë pakot e librave dhe materialeve të nevojshme për këtë kategori fëmijësh. Familjet janë lënë pa asnjë mbështetje. Kjo është shkelje e ligjit dhe neglizhencë e pafalshme”, ka thënë Lushaku Sadriu.

(Kosova Sot Online)