Punimet në kanalin Ibër-Lepenc, KRU Prishtina del me njoftim

Kompania Rajonale e Ujësjellësit “Prishtina”,  ka njoftuar se disa zona janë pa furnizim të ujit, për shkak të për shkak të nivelit shumë të lartë të turbullirave në kanalin Ibër Lepenc, si shkak i punimeve në kanal, transmeton gazeta "Kosova Sot Online".

Zonat të cilat s’kanë furnizim, janë Fushë Kosova, Obiliqi, Drenasi, një pjesë e lagjes Kalabria në Prishtinë, dhe pikat e larta në lagjen Arbëria.

Njoftimi:

Të nderuar konsumatorë!

Ju informojmë se ITU Shkabaj është tashmë jashtë funksionit nga ora 05:00 të mëngjesit ,për shkak të nivelit shumë të lartë të turbullirave në kanalin Ibër Lepenc, si shkak i punimeve në kanal.

Si pasojë, pa furnizim me ujë janë këto zona:

Fushë Kosova

Drenasi

Obiliqi

Një pjesë e lagjes Kalabria/ Prishtinë

 Pikat e larta në lagjen Arbëria.

Gjithashtu, ndikime dhe reduktime të furnizimit priten edhe në disa zona të kryeqytetit.

Ekipet tona janë në terren dhe po monitorojnë situatën vazhdimisht. Furnizimi do të rikthehet menjëherë sapo të stabilizohen parametrat në kanalin furnizues.

Ju kërkojmë ndjesë qytetarëve për shqetësimet e shkaktuara, PA FAJIN TONË, ngase kanali nuk menaxhohet nga KRU” Prishtina”.

Ndërsa, me ITU Albanik dhe Badoc jemi duke trajtuar ujë me kapacitet maksimal.

(Kosova Sot Online)