Ky është personi që humbi jetën pasi dyshohet se ra në bunar

Sylejman Fazliu dyshohet se është 59-vjeçari që ra në bunar në orët e mbrëmjes të së martës në fshatin Bajnicë të Kaçanikut dhe u nxjerr pa shenja jete, transmeton gazeta "Kosova Sot Online".

Kështu kanë bërë të ditur banorët e fshatit, të cilit ishin edhe në vendin e ngjarjes.

Mediumi ka mësuar po ashtu se 59-vjeçari kishte rënë në pusin që ndodhet në oborrin e një shkolle.

Trupi është nxjerrë nga zjarrfikësit e rajonit të Ferizajt, ndërsa sipas banorëve ekipet mjekësore e kanë konstatuar vdekjen e tij.

(Kosova Sot Online)