Aksident: Vetura e rrokullisur në mes të rrugës

Janë publikuar pamje të reja nga aksidenti i ndodhur mëngjesin e sotëm te “Kroi i Mbretit”, ku një veturë shihet e rrokullisur në mes të rrugës, transmeton gazeta "Kosova Sot Online".

Nga fotografitë që po qarkullojnë, automjeti ka përfunduar i kthyer përmbys, ndërsa në vendin e ngjarjes vërehen kolona të gjata të automjeteve, duke shkaktuar vështirësi në qarkullim.

Deri më tani nuk ka informacione zyrtare për persona të lënduar.

Policia e Kosovës ende nuk ka dalë me detaje lidhur me rrethanat e aksidentit, ndërsa pritet që gjatë orëve në vijim të ketë një njoftim zyrtar për rastin.

(Kosova Sot Online)