Selimi: Procesin në Hagë mos e bëni pjesë të fushatave

Deputetja e Lëvizjes Vetëvendosje, Shqipe Selimi, ka marrë pjesë në mbledhjen e Komisionit për të Drejtat e Njeriut, Barazi Gjinore, Punë, Familje, Vlerat e Luftës Çlirimtare dhe Peticione, ku u diskutua propozimi i anëtarit të këtij komisioni, Artan Behrami, për t’i dërguar ftesë për raportim kryetares së Dhomave të Specializuaar, Ekaterina Trendafilova lidhur me procesin në Hagë.

Gjatë diskutimit, Selimi shprehu qëndrimin e saj për rolin dhe kompetencat e institucioneve në raport me Dhomat e Specializuara.

Selimi theksoi se ekziston një konsensus i gjerë në Kosovë për çështjen e Gjykatës Speciale, por ngriti dilema për mënyrën e trajtimit institucional të saj.

“Kur vjen çështja te Haga, te Gjykata Speciale, ne të gjithë pothuajse jemi njëzëri edhe çdo tentativë që niset nga Kosova jemi për, edhe unë nuk dyshoj aspak në dëshirën tuaj të mirë që të bëhet një thirrje kundrejt Dhomave të Specializuara ose kryetares së Dhomave të Specializuara, apo në këtë rast edhe të Ombudspersonit siç e dëgjova.

(Kosova Sot Online)