Kurti: Po bëjmë përpjekje maksimale për ta zgjedhë presidentin

Kryeministri i Kosovës, Albin Kurti, i shoqëruar nga ministri i Brendshëm, Xhelal Sveçla, janë drejtuar drejt Kuvendit të Kosovës.

I pyetur për çështjen e presidentit, Kurti në ecje e sipër ka thënë se janë duke bërë përpjekje maksimale për të bërë zgjidhje.

“Po bëjmë përpjekje maksimale për zgjedhjen e presidentit. Ta shohim a po vijnë deputetët e opozitës”, ka deklaruar Kurti.

Megjithatë ai s’ka dhënë ndonjë përgjigje kur është pyetur nëse do ta përkrahin emrin e Vjosa Osmanit.

Sot është afati i fundit për zgjedhjen e presidentit të vendit, ndryshe vendi shkon automatikisht në zgjedhje të reja. Të hënën, kryetarja e Kuvendit, Albulena Haxhiu, e ka nisur në mënyrë antikushtetuese seancën dhe ka proceduar me votim, ndonëse duhen mbi 2/3 e deputetëve të pranishëm në sallë në raundin e parë dhe të dytë.

(Kosova Sot Online)