Kandidatët për deputetë do t’i nënshtrohen verifikimit

Derisa afati për 27 subjektet politike për dorëzimin e listave të kandidatëve do të mbyllet të martën, në mesnatë, KQZ ka paralajmëruar se të gjithë kandidatët që synojnë të garojnë në zgjedhjet e 7 qershorit për Kuvendin e Kosovës, do t’i nënshktrohen procesit të verifikimit institucional.

Përmes këtij procesi, Komisioni Qendror i Zgjedhjeve do të kontrollojë nëse kandidatët për deputetë i përmbushin kriteret ligjore për pjesëmarrje në zgjedhje, në përputhje me Ligjin për Zgjedhjet e Përgjithshme, përkatësisht nenin 30 të tij.

Procesi i verifikimit të kandidatëve pritet të zgjasë disa ditë.

Vetëm gjatë proceseve zgjedhore të vitit 2025, është verifikuar pajtueshmëria e mbi 8 mijë kandidatëve, prej të cilëve 5,624 kandidatë të zgjedhjeve lokale dhe 2,459 kandidatë për dy proceset zgjedhore për Kuvendin e Kosovës.

(Kosova Sot Online)