Vdes personi që ra nga një objekti në ndërtim

Një burrë ka rënë sot nga një kat i një objekti që është në ndërtim e sipër në Vushtrri, ka konfirmuar policia.

Pas lëndimeve të marra, ai u dërgua në gjendje të rëndë në emergjencën e Vushtrrisë.

Lajmin e ka konfirmuar zëdhënësi i policisë për rajonin e Mitrovicës, Ilmi Prekazi.

“Nga emergjenca e spitalit të Vushtrrisë është konfirmuar se si pasojë e lëndimeve të pësuara, personi ka humbur jetën”, tha ai.

Prekazi më herët i tha gazetës se njësitë policore kanë filluar me veprimet hetimore për sqarimin e rrethanave të rastit.

(Kosova Sot Online)