Lexoni edhe:
Mbetet ora policore, hapet gastronomia – këto janë masat që pritet t’i miratojë sot Qeveria
Shkruan: ANALISTI- Faik Krasniqi
Duhet që Qeveria e re e LVV-së, që me prioritet të veçantë ta trajton rimëkëmbjen e rrjetit diplomatik të Kosovës nëpër botë, ta ristrukturon atë me profesionistë dhe të pastrohet nga militantët e ish-partive politike që qeverisën në disa mandate të kaluara. Rrjeti diplomatik, shtyllë e rëndësishme e shtetit në marrëdhëniet ndërkombëtare, eshte deformuar thellësisht, i politizuar edhe i pasivizuar nga mosdija dhe mungesa e kompetencës së atyre që ishin emëruar në të kaluarën.
Diplomacia e Kosovës nëpër botë ka qenë qesharake deri më tash. Strehë për militantët dhe familjarët e politikanëve të partive në pushtet. Si nje ent për punësim. Përveç skandaleve asgjë të mirë nuk i kanë sjell Kosovës. As nga ana ekonomike, por as në fushat e tjera. Kurse diplomacia përveç shërbimeve ndaj bashkatdhetarëve në Diasporë, ka punë që të loboj edhe për ekonomi dhe çdo gjë që i duhet shtetit. Edhe për çështjen e vaksinave po shihet qe s’janë duke bërë asgjë. Kanë rënë në gjumë. Kjo praktikë duhet ndryshuar me qeverinë e re. S'ka më njerëz me libreza partiake dhe të familjarëve të tyre, por njerëz që kane integritet dhe etike e profesionalizem.
Shkrimet në këtë rubrikë nuk shprehin qëndrimet e gazetës "Kosova Sot Online".