Alarmon analisti: Gjithkush kryetar e nënkryetar, zgjedhja e Bashës si kryetar i Kuvendit ka ndodhur me konsensus

Shkruan: ANALISTI-Blerim Burjani

Zgjedhja e Dimal Bashës si kryetar i Kuvendit, ka ndodhur si skenar plotësisht me konsensus, të gjithë të kënaqur e “të lumtur”. As Albulena nuk u nda keq në këtë përzgjedhje. Kjo që u pa është realiteti i tmerrshëm që e ka katandisur Kosovën: Gjithkush kryetar e nënkryetar, nesër gjithkush do të jetë ministër e zëvendësministër me kallaballëk. Pra, realiteti i hidhur i një shteti që është katandisur.

Lexoni edhe:

Mbështetja për Bashën nuk erdhi vetëm nga Vetëvendosje, por edhe nga deputetë të PDK-së e AAK-së

-Edhe pas 26 vjetëve, Kosova nuk ka arritur fare të tejkalojë fazën tranzicionale, pra të jetë një shtet normal, dinjitoz, i respektuar nga miqtë e saj dhe, mbi të gjitha, nga populli që jeton aty dhe që ikën për çdo ditë nga Kosova.

Ky Dimal si do që ta ketë emrin është i Vetëvendosjes. Për ta dihet si e “ruajnë” pavarësinë: nuk kanë fare pavarësi në krye të institucionit.

Normalisht që ishte pazar politik, nëse ky pazar vazhdon. VV dhe PDK janë pjesë e koalicionit në qeverisje të përbashkët. Por tash mbetet të shohim nëse do të ketë ndonjë befasi tjetër, apo nëse shteti do të shkojë në zgjedhje.

Me qenë Kryetar i Kuvendit nuk është kurrfarë sfide. Më sfidë është me qenë në komisione, ku duhet dhënë kontribut direkt. Kjo pozitë është e një spikeri dhe ka kompetencën për të ushtruar detyrën e Presidentit për një afat të caktuar, nëse nuk arrihet të zgjidhet Presidenti. Gjithashtu, është komandant i ushtrisë dhe përfaqësues në politikën e jashtme. Pjesa tjetër e kompetencave të Presidentit janë ceremoniale.

Kuvendi, si me Bashën si pa të, duhet të kryejë detyrat e legjislativit: me nxjerrë ligje, me qenë kreativë deputetët, me propozuar edhe strategji shtetërore, pra dokumente strategjike.

Shkrimet në këtë rubrikë nuk shprehin qëndrimet e gazetës "Kosova Sot Online".