Nëse institucionet e Kosovës nuk themelohen atëherë shteti është para një falimentimi politik

Shkruan: ANALISTI-Nue Oroshi

Për këtë vendim Presidentja nuk e ka një justifikim bindës. Thotë një fjalë e jona: “Fol e mushma mendjen!” Por sa i përket faktit se është një ndërhyrje në fushatën zgjedhore, unë mendoj se kjo ligjërisht nuk është. De jure nuk është, sepse ajo ka të drejtën të vendosë për cilën datë të mbahen zgjedhjet. Kurse de facto shihet qartë se ajo ka marrë anën e Albin Kurtit.

Lexoni edhe:

Vjosa Osmani me korrektësinë më të madhe u angazhua për tejkalimin e mospajtimeve

-Por për këtë datë Presidentja nuk është fajtore e vetme. Fajtorë janë të gjitha partitë politike që e kanë sjellë situatën në një mjerim politik, ku për një vit Republika e Kosovës ka mbetur pa institucione shtetërore. Situata do të bëhet edhe më e vështirë kur për pak muaj edhe Presidentes po i përfundon mandati i plotë. Kështu që, nëse institucionet e Republikës së Kosovës nuk themelohen deri në fund të muajit mars, atëherë Kosova është para një falimentimi politik dhe institucional.

Në këtë rast VV duhet të mësohet se kur nuk e ka shumicën, pushteti duhet të ndahet, ndërsa edhe ish-partitë opozitare duhet të vetëdijësohen se kështu nuk ecet përpara. Por besoj se 28 dhjetori do të sqarojë çdo gjë.

Shkrimet në këtë rubrikë nuk shprehin qëndrimet e gazetës "Kosova Sot Online".