Befasi në Formula 1, në Monza triumfon një pilot ‘anonim’ – “e pabesueshme, ende s’po arrij ta kuptoj atë që ka ndodhur…”
Në Monza, në Cmimin e Madh të Italisë fitoi ai që askush se priste.
Një garë e çmendur mbi pistën italiane që u fitua nga Pierre Gasly i skuadrës Alpha Tauri, ish Toro Rosso.
Triumfi i parë në karrierë për 24-vjeçarin francez, teksa nuk mungojnë edhe emrat e tjerë surprizues në pod.
Në vend të dytë u rendit Carlos Sainz i McLaren, teksa i treti e mbylli kanadezi Lance Stroll i Racing Point.
Vetëm pozicioni i shtatë për Lewis Hamilton (u penalizua nga komisarët), kampionin në fuqi të këtij sporti. Tifozët prisnin shumë nga Ferrari, por pilotët e skuaderisë së famshme italiane dhuruan një tjetër garë për t’u harruar.
Carles Leclerc u përfshi në një përplasje të frikshme dhe për fat të mirë nuk u dëmtua, teksa jashtë pistës përfundoi edhe Sebastian Vettel, gjermani i “kokëkuqes”.
“Sinqerisht, është e pabesueshme. Nuk jam i sigurt nëse po arrij ta kuptoj atë që ka ndodhur, ishte realisht një garë e çmendur“, u shpreh fituesi Gasly.
(Kosova Sot Online)