Rrëfehet lojtari që u bë gazi i botës, pasi dështoi të shënojë në portën e zbrazët

Aster Vranckx është mbase kandidati kryesor për huqjen e sezonit, pas dështimit për të shënuar në portën boshe në humbjen e Mechelen 1:0 kundër KV Oostende në ligën elitare të Belgjikës, të shtunën.

17-vjeçari e kishte mundësinë më të përsosur të mundshme për të shënuar në portën e zbrazët për Mechelen, në pjesën e dyte

Portieri kundërshtar e kishte braktisur portën në përpjekje për ta grushtuar topin nga zona, por topi e goditi transversalen dhe ra pranë këmbëve të Vranckx.

Por disi, në një portë të zbrazët ku më vështirë e pati ta godasë topin jashtë saj sesa ta fusë në rrjetën e saj, ai e kurthoi veten dhe u ndesh me shtyllën e portës dhe falë ngathtësisë së tij, një mbrojtës kundërshtar erdhi dhe e largoi topin.

Humbja e këtij rasti të artë nga ai i kushtoi skuadrës së tij dyfish, pasi Oostende shënoi në kohën shtesë për t’i fituar tri pikët e plota nga ky takim.

Befasisht, adoleshenti e ruajti gjakftohtësinë kur u pyet pas ndeshjes për huqjen e madhe, duke thënë se e ka mendësinë për ta tejkaluar këtë incident turpërues.

“Mendoj se thjesht duhej ta fusja topin në rrjetën e portës. Gabova dhe e huqa”, tha Cranckx.

“Është e turpshme qe dështova të shënoj aty, por tani duhet të mendoj për mendjen e radhës dhe të mos çmendem”, shtoi ai.

(Kosova Sot Online)