Lexoni edhe:
Vdes ish-presidenti i Gjilanit Shukri Sylejmani
Liga e Evropës: Drita niset drejt Polonisë, për takimin me Legia Warsaw
Drita ka udhëtuar sot drejt Polonisë, ku nesër mbrëma do të përballet me Legia Warsaw, në një ndeshje të rundit të tretë kualifikues për Ligën e Evropës. Klubi gjilanas dje mori konfirmimin se u janë kthyer negative të gjitha testet e futbollistëve të vet për koronavirus, në prag të takimit me klubin polak. Kampionia e Kosovës Drita është në kërkim të më shumë historisë kur e viziton Poloninë për t’u përballur me Legia të enjten në rundin e tretë kualifikues në garën dytësore evropiane.
Kaltërebardhët i kryen përgatitjet për këtë ndeshje në Durrës të Shqipërisë dhe e ka marrë dritën jeshile për të udhëtuar drejt Polonisë pasi nuk e ka asnjë rast me koronavirus në skuadër.
Drita u nis sot nga aeroporti i Tiranës “Nënë Tereza” dhe pritet të mbërrijë në Poloni në mesditë.
(Kosova Sot Online )
