Loci vazhdon me Rahovecin
Bujar Loci do të vazhdojë ta drejtojë Rahovecin edhe në sezonin e ardhshëm.
Lajmin e kanë konfirmuar “Vreshtarët” përmes grupit të tyre në rrjetin social, Facebook.
Trajneri pejan ka arritur marrëveshje me drejtuesit e klubit për vazhdimin e bashkëpunimit, i cili kishte nisur para pandemisë koronavirus.
Ish-trajneri i Pejës do të mundohet ta ndërtojë një skuadër kompakte, e cila do të jetë mjaft konkurrente në sezonin e ri, i cili do të nisë në muajin tetor.
Rahoveci ka qenë njëra prej skuadrave më të fuqishme viteve të fundit në basketbollin kosovar.
(Kosova Sot Online)