Juventusi e publikon listën për ndeshjen e sotme, Napoli as që ka udhëtuar drejt Torinos

Juventusi e ka publikuar listën me futbollistët  e ftuar nga trajneri Andrea Pirlo për ndeshjen e sotme kundër Napolit në Serie A, edhe pse klubi napolitan as që ka udhëtuar drejt Torinos bile.

Futbollistët e Napolit do t’iu nënshtrohen testeve për koronavirus dhe do të vetizolohen në komunën Castle Volturno nga nesër.

Në listën e Juves për ndeshjen e sotme mungojnë Alex Sandro, Federico Bernardeschi dhe Matthijs de Ligt për shkak të lëndimeve.

Juventusi e ka bërë të qartë se do t’i nxjerrë futbollistët në fushë sonte në Allianz Stadium, pavarësisht se Gennaro Gattuso me djelmoshat e tij nuk janë larguar fare nga Napoli.

Napoli u ndalua ta largohej nga një komunikatë e autoriteteve lokale shëndetësore, të cilat u kanë kërkuar futbollistëve të vetizolohen për shkak se një lojtar i Napolit ka dalë pozitiv me Covid-19.

Sipas Sky Sports, lojtarët e Napolit janë vetizoluar nëpër shtëpitë e veta.

Ata do të testohet sërish nesër në stadiumin San Paolo, para se të zhvendosen në qendrën stërvitore në Castel Volturno, ku do të vetizolohen për dy javë.

Juventusi, ndërkohë, është duke e ndjekur orarin e ditës së ndeshjes.

Serie A nuk e ka shtyrë këtë ndeshje dhe Juventusi do të paraqitet në fushë sonte. Nëse Napoli nuk paraqitet, atëherë gjyqtari do të presë 24 minuta dhe pastaj do t’i bjerë pipit për fishkëllimën e fundit. Në këtë rast, Napolit do t’i regjistrohet humbje 3:0. 

(Kosova Sot Online)